Gwneud cais i newid eich cyfarpar hylosgi canolig annibynnol neu drwydded generadur penodedig
Defnyddiwch y gwasanaeth hwn i newid eich cyfarpar hylosgi canolig neu drwydded generadur penodedig.
Gwiriwch pa newidiadau y gallwch eu gwneud
Mae gwybod beth yw eich math o newid yn eich helpu chi i:
- baratoi’r wybodaeth gywir
- gwybod faint ydym ni'n ei godi
Newid enw neu gyfeiriad
Er mwyn newid enw, cyfeiriad neu fanylion cysylltu lle na fu newid o ran endid cyfreithiol, gwnewch gais am newid gweinyddol.
Tynnu uned hylosgi
Gwnewch gais am fân amrywiad technegol.
Newid neu ychwanegu uned hylosgi
Dilynwch y camau hyn i ddod o hyd i'ch math o newid.
- Dechreuwch gyda'r tabl pellteroedd sgrinio lleiaf i safleoedd y cynefinoedd ar y dudalen hon.
- Os yw lefelau eich uned hylosgi sydd wedi newid neu sy’n newydd yn ddigon isel neu’n ddibwys (‘sgrinio allan’), gwnewch gais am fân amrywiad technegol.
- Os nad yw lefelau eich uned hylosgi sydd wedi newid neu sy’n newydd yn ddigon isel neu’n ddibwys (‘sgrinio i mewn’), yna mae angen i chi ddefnyddio offeryn sgrinio hylosgi Cyfrifad Syml o Derfynau Effaith Atmosfferig (SCAIL).
- Os yw eich uned hylosgi sydd wedi newid neu sy’n newydd yn ‘sgrinio allan’ gan ddefnyddio offeryn sgrinio SCAIL, gwnewch gais am amrywiad arferol pwrpasol syml.
- Os yw eich uned hylosgi sydd wedi newid neu sy’n newydd yn ‘sgrinio i mewn’ gan ddefnyddio offeryn sgrinio SCAIL, gwnewch gais am amrywiad pwrpasol cymhleth. Bydd angen i chi ddarparu asesiad modelu ansawdd aer ac unrhyw asesiadau perthnasol eraill gyda'ch cais.
- Os oes gennych chi drwydded Rheolau Safonol ar hyn o bryd ac os yw eich newidiadau arfaethedig yn golygu na allwch bellach fodloni'r rheolau hyn bydd angen i chi wneud cais am amrywiad sylweddol, naill ai syml neu gymhleth, yn dibynnu ar ba un a oes angen i chi ddarparu asesiad modelu ansawdd aer gyda'ch cais ai peidio.
- Efallai y byddwn hefyd yn eich cynghori bod angen i chi wneud cais am amrywiad sylweddol os ydych yn cynllunio newidiadau sylweddol i'ch gweithrediadau y bydd angen lefel uchel o asesiad manwl yn ystod y penderfyniad.
Tabl pellteroedd sgrinio lleiaf i safleoedd y cynefinoedd
| Math o danwydd a ddefnyddir | Mewnbwn thermol graddedig (MWth) o unrhyw gyfarpar hylosgi canolig | Pellter lleiaf o gyfarpar hylosgi canolig i Safle o Ddiddordeb Gwyddonol Arbennig (SoDdGA) neu barth cadwraeth morol (metrau) | Pellter lleiaf o gyfarpar hylosgi canolig i Ardal Cadwraeth Arbennig (ACA), Ardal Gwarchodaeth Arbennig (AGA) neu wlyptir Ramsar (metrau) |
|---|---|---|---|
| Nwy naturiol, olew nwy, a biomas solet prennaidd | 1-2 | 750 | 750 |
| Nwy naturiol, olew nwy, a biomas solet prennaidd | 2-5 | 1,000 | 1,000 |
| Nwy naturiol, olew nwy, a biomas solet prennaidd | 5-10 | 1,500 | 1,500 |
| Nwy naturiol, olew nwy, a biomas solet prennaidd | 10-20 | 2,000 | 2,500 |
| Nwy naturiol, olew nwy, a biomas solet prennaidd | 20-50 | 2,000 | 5,000 |
| Nwy heblaw nwy naturiol | 1-2 | 1,000 | 1,000 |
| Nwy heblaw nwy naturiol | 2-5 | 1,500 | 1,500 |
| Nwy heblaw nwy naturiol | 5-10 | 2,000 | 4,000 |
| Nwy heblaw nwy naturiol | 10-20 | 2,000 | 5,000 |
| Nwy heblaw nwy naturiol | 20-50 | 2,000 | 10,000 |
| Olew tanwydd trwm solet a hylifol | 1-2 | 2,000 | 2,000 |
| Olew tanwydd trwm solet a hylifol | 2-5 | 2,000 | 4,000 |
| Olew tanwydd trwm solet a hylifol | 5-10 | 2,000 | 8,000 |
| Olew tanwydd trwm solet a hylifol | 10-50 | 2,000 | 10,000 |
Paratoi'r wybodaeth sydd ei hangen arnom
Mae angen i chi wybod:
- rhif eich trwydded
- unrhyw gyfeirnod cyn-ymgeisio.
- y math o amrywiad ydych chi am ei wneud
- a yw troseddau yn effeithio ar bobl berthnasol (Saesneg yn unig)
- a yw ansolfedd neu fethdaliad yn effeithio ar bobl berthnasol
- pa ddatganiadau i'w gwneud
- ein taliadau am drwyddedau
- sut i dalu
Os ydych yn bwriadu newid neu ychwanegu uned hylosgi at eich trwydded, bydd angen i chi wybod y canlynol:
- y rhif dynodi unigryw yr uned hylosgi
- dyddiad cychwyn gweithredol yr uned hylosgi
- maint (capasiti) yr uned hylosgi
- pa danwydd a ddefnyddir gan yr uned hylosgi
- yr oriau gweithredu
Bydd angen i chi uwchlwytho rhai neu bob un o'r dogfennau canlynol gyda’ch cais.
- Templed canlyniadau Offeryn sgrinio hylosgi Cyfrifiad Syml o Derfynau Effaith Atmosfferig (SCAIL)
- Asesiad Technegau Gorau sydd ar gael (os yw eich uned hylosgi hefyd yn weithgaredd Rhan B)
- adroddiad effeithlonrwydd ynni (os yw cyfanswm mewnbwn thermol net agregedig eich cyfarpar hylosgi canolig/generadur penodedig yn fewnbwn thermol o 20 MW neu fwy).
- monitro allyriadau'r cyfarpar hylosgi canolig neu'r generadur penodedig a gwblhawyd yn ystod y ddwy flynedd ddiwethaf (os ydynt ar gael)
- crynodeb o'r newidiadau arfaethedig mewn iaith annhechnegol
- unrhyw weithdrefnau methdaliad neu ansolfedd yn eich erbyn ar hyn o bryd neu yn y gorffennol
- tystiolaeth os ydych yn hawlio cyfrinachedd neu ddiogelwch cenedlaethol (Saesneg yn unig)
- datganiad gan ddeiliad/ddeiliaid y drwydded bresennol, neu dystiolaeth na allwch eu chwilio
Os yw eich cyfarpar hylosgi canolig neu eneradur penodedig yn dod o dan Ran B, e-bostiwch mcpd.queries@cyfoethnaturiolcymru.gov.uk i gael mwy o wybodaeth am sut i wneud asesiad Technegau Gorau sydd ar Gael.
Gwnewch gais ar-lein i newid eich trwydded
Amserlenni
Fel arfer, byddwn yn gwneud penderfyniad o fewn pedwar mis ar ôl derbyn cais cyflawn a'r ffi gywir.
Byddwn yn gwirio eich cais ac yn cadarnhau a yw'n gyflawn. Os yw'n gyflawn byddwn yn galw hyn yn 'wedi'i wneud yn briodol'. Os nad yw'n gyflawn, efallai y byddwn yn gofyn am ragor o wybodaeth gennych. Nid yw'r amserlen o bedwar mis yn dechrau nes i ni ystyried y cais a wnaed yn briodol.