Rhedeg

Llwybrau rhedeg yn ein coetiroedd

Mae llwybrau rhedeg yn rhai o'r coetiroedd a reolir gan Cyfoeth Naturiol Cymru.

Mae'r llwybrau rhedeg fel arfer yn dechrau o faes parcio lle ceir panel gwybodaeth sy'n nodi:

pa arwyddbyst (saethau lliw neu symbolau eraill) i'w dilyn
gradd y llwybr
faint o amser y gallai fod ei angen i'w gwblhau
beth i edrych amdano ar hyd y llwybr

Bydd arnoch angen esgidiau a chyfarpar sy’n addas i'r amodau - argymhellir esgidiau cerdded.

Gwarchodfa Natur Genedlaethol a Choedwig Niwbwrch, Ynys Môn

Mae dau lwybr rhedeg ag arwyddbyst yn cychwyn o'r prif faes parcio (Traeth).

Mae un llwybr yn dilyn llwybr y Parkrun ac mae'r llwybr arall yn dilyn rhan o'r llwybr a ddefnyddiwyd ar gyfer un o rasys pencampwriaeth y Gymanwlad a gynhaliwyd yma.

Am ragor o wybodaeth, ewch i Gwarchodfa Natur Genedlaethol a Choedwig Niwbwrch

Parc Coedwig Coed y Brenin, ger Dolgellau

Mae pum llwybr rhedeg ag arwyddbyst yn cychwyn o faes parcio'r ganolfan ymwelwyr.

Maent yn amrywio o ran hyd o gwpl o filltiroedd i hanner marathon.

Am ragor o wybodaeth ewch i Ganolfan Ymwelwyr Parc Coed y Brenin.

Bwlch Nant yr Arian, ger Aberystwyth

Mae dau lwybr rhedeg ag arwyddbyst yn cychwyn o faes parcio'r ganolfan ymwelwyr.

Am ragor o wybodaeth ewch i Ganolfan Ymwelwyr Bwlch Nant yr Arian.

Coetir Ysbryd Llynfi, ger Pen-y-bont ar Ogwr

Mae tri llwybr rhedeg byr ag arwyddbyst yn y coetir hwn.

Am ragor o wybodaeth ewch i Goetir Ysbryd Llynfi

Llwybrau rhedeg sydd ar gau neu wedi’u dargyfeirio

Weithiau mae angen i ni gau neu ddargyfeirio llwybrau wrth i ni wneud gwaith cynnal a chadw neu weithrediadau eraill, neu am resymau eraill fel tywydd gwael.

Rydym yn gosod arwyddion am gau a dargyfeirio ar ddechrau pob llwybr.

Edrychwch ar dudalen y coetir neu'r warchodfa ar Lleoedd i ymweld â hwy am unrhyw newidiadau cyn i chi ymweld, yn enwedig os ydych am ddilyn llwybr penodol, a dilynwch yr holl arwyddion dargyfeirio a chyfarwyddiadau ar y safle.