Swyddog Gorfodi

Tîm / Cyfarwyddiaeth: Rheoleiddio Gwastraff De Canolog / Gweithrediadau

Cyflog cychwynnol: £32,544 yn codi i £35,544 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb:  Penodiad Cyfnod Penodol tan 31/03/2026

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 06/08/2025

Rhif swydd: 204001, 204003, 204004, 204005, 204006, 204007

Y rôl

A ydych chi’n barod i wneud gwahaniaeth gwirioneddol i amgylchedd Cymru? Rydym yn cynnig hyd at chwe chyfle cyffrous am gyfnod penodol i unigolion brwdfrydig ymuno â Cyfoeth Naturiol Cymru fel Swyddogion Gorfodi – rôl a gynlluniwyd i feithrin arbenigwyr gorfodi’r dyfodol.

Diolch i gyllid penodol gan Lywodraeth Cymru, bydd y rolau hyn yn rhoi cyfle i chi fod yn rhan o’n cenhadaeth i warchod adnoddau naturiol Cymru. Gallech chi weld eich bod yn gweithio yn unrhyw le o ddyffrynnoedd dramatig de Cymru i dirweddau gwyllt Eryri, Mynyddoedd Cambria, neu arfordir godidog Sir Benfro. Pa bynnag ranbarth rydych chi wedi’ch lleoli ynddo, byddwch chi’n gweithio ochr yn ochr â thimau profiadol yn mynd i’r afael â throseddau amgylcheddol cymhleth, gyda ffocws penodol ar bysgodfeydd, a chyswllt posibl â rheoleiddio gwastraff a dŵr hefyd.

Nid dim ond swydd arall mewn swyddfa yw hon. Byddwch chi allan yn y maes yn ymchwilio i ddigwyddiadau difrifol, yn helpu i atal niwed amgylcheddol, yn casglu tystiolaeth gorfodi, ac yn cefnogi gweithrediadau ehangach Cyfoeth Naturiol Cymru. Bydd gennych hefyd gyfleoedd i weithio ar draws timau gweithredol, a fydd yn rhoi mewnwelediad gwerthfawr a dealltwriaeth ehangach i chi o sut rydym yn diogelu’r amgylchedd ledled Cymru.

Rydym yn chwilio am unigolion sydd wedi cwblhau Prentisiaeth Cadwraeth Amgylcheddol Lefel 3 City & Guilds a Phrentisiaeth Gorfodi Cyfoeth Naturiol Cymru yn llwyddiannus. Mae trwydded yrru lawn y DU yn hanfodol.

Dyma gyfle i ddatblygu eich sgiliau, gwneud gwahaniaeth, a helpu i lunio dyfodol gorfodi rheolau amgylcheddol yng Nghymru. Os ydych chi’n barod i gamu ymlaen a gwarchod y lleoedd sydd bwysicaf, rydyn ni eisiau clywed gennych chi.

Fel sefydliad, rydym yn cefnogi gweithio hyblyg.  Byddwch yn cael eich contractio i'r swyddfa CNC agosaf i'ch cartref, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â contact Sara Pearson at Sara.Pearson@cyfoethnaturiolcymru.gov.uk.

Bydd cyfweliadau’n  cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i'r dyddiad cau. 

Yr hyn y byddwch chi’n ei wneud

• Cymryd camau priodol i gasglu tystiolaeth at ddibenion gorfodi, yn unol â gweithdrefnau diffiniedig. 
• Darparu cymorth gorfodi i’r sefydliad ehangach. 
• Cefnogi gweithrediadau gwyliadwriaeth.
• Dilyn gweithdrefnau gorfodi a chymhwyso barn a phrofiad technegol i alluogi Cyfoeth Naturiol Cymru i gymryd camau gweithredu priodol yn unol â’i bolisi gorfodi ac erlyn.
• Cynorthwyo’r gwaith o hyfforddi a mentora aelodau’r tîm ynghylch polisïau, gweithdrefnau a thechnegau gorfodi newydd a phresennol, a rhannu eich gwybodaeth o’r lle.
• Cynorthwyo gwaith sy’n cynnwys timau mewnol eraill a sefydliadau allanol sy’n cyflawni canlyniadau gorfodi.
• Mynd i’r llys i gynrychioli a rhoi tystiolaeth ar ran y sefydliad er mwyn sicrhau y cymerir camau gorfodi priodol yn unol â pholisïau gorfodi Cyfoeth Naturiol Cymru.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich huntrwy ddefnydd effeithiol o eich cynllun datblygu personol (a elwir yn Sgwrs).
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth ddigonol fanwl am y trefniadau deddfwriaethol perthnasol.
2. Y gallu i gyfathrebu’n effeithiol â busnesau a reoleiddir a’r cyhoedd, ac ennill cefnogaeth trwy ddylanwadu.  
3. Y gallu i ymdrin â sefyllfaoedd ac unigolion heriol mewn modd cyfforddus a chymwys.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.