Cynghorydd Arweiniol Portffolio Asedau Tir

Tîm / Cyfarwyddiaeth: Y Tîm Safonau Ystadau / Tystiolaeth Polisi a Thrwyddedu

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 27 Awst 2025

Rhif swydd: 203974

Y rôl

Ydych chi’n barod i gymhwyso eich arbenigedd mewn TGCh a systemau i rôl uchel ei phroffil ar gyfer pobl llawn cymhelliad? Rydym yn chwilio am weithiwr proffesiynol profiadol i gymryd rhan flaenllaw yn y gwaith o reoli a gwella ein Cynllun Gweithredu Amgylcheddol Lleol, sef ein system rheoli asedau genedlaethol.

Fel aelod allweddol o dîm o’r radd flaenaf o ddeg arbenigwr rheoli tir, byddwch yn helpu i lunio sut mae asedau tir yn cael eu rheoli ledled Cymru. Gan gydweithio â chydweithwyr ledled y wlad, byddwch yn perchnogi cymhwysiad y Cynllun Gweithredu Amgylcheddol Lleol mewn rheoli asedau, gan gefnogi timau gweithredol a sicrhau bod y tir yn ein gofal yn cael ei reoli’n effeithiol ac yn effeithlon.

Dyma eich cyfle i gyfrannu at system sy’n cefnogi stiwardiaeth tir gynaliadwy ar raddfa genedlaethol.

Fel sefydliad, rydym yn cefnogi gweithio hyblyg.  Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Steffan Davies at steffan.davies@cyfoethnaturiolcymru.gov.uk 

Bydd cyfweliadau’n  cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i'r dyddiad cau. 

Yr hyn y byddwch chi’n ei wneud

• Arwain ar weithrediad parhaus system rheoli asedau tir ledled Cymru trwy gydweithio ag arbenigwyr mewnol ac allanol ar draws y sector stiwardiaeth a pheirianneg tir yng Nghymru.
• Gweithio gydag CNC 2030, TGCh ac AMX (darparwr cynnyrch y Cynllun Gweithredu Amgylcheddol Lleol) i weithredu a rheoli’r system gyda’i defnyddwyr mewn ffordd a fydd yn symud y gwaith o reoli asedau, rheoli risg a chynllunio ariannol y swyddogaeth stiwardiaeth tir yn ei flaen.
• Hyfforddi a mentora cydweithwyr gweithredol ac arolygwyr allanol ledled Cymru i helpu i gyflawni gwelliannau parhaus i’r Cynllun Gweithredu Amgylcheddol Lleol ac yn ein dull o reoli asedau.
• Dadansoddi a dehongli data i baratoi adroddiadau technegol o ansawdd uchel, gan ddarparu argymhellion clir i gefnogi gwneud penderfyniadau. Cyflwyno canfyddiadau i amrediad o randdeiliaid mewnol ac allanol ac adrodd ar gynnydd tuag at dargedau cenedlaethol. Cefnogi arbenigwyr arweiniol i ddefnyddio data ac offer adrodd sydd ar gael i reoli’r risg sy’n gysylltiedig â pherfformiad asedau ar sail strategol ledled Cymru.
• Cyfrannu at ddatblygu prosiectau gwella ar gyfer ymarfer rheoli asedau, gan gynnwys archwiliadau asedau, cofnodi data mewn systemau TGCh, ac amserlennu gwaith ar yr ystâd a reolir gan CNC.
• Cynrychioli CNC yn allanol trwy rannu gwybodaeth arbenigol, gan gynnwys cysylltu â rhanddeiliaid a sefydliadau ar lefel y DU ac yn rhyngwladol pan fo angen.
• Bod yn ymwybodol o’r wybodaeth ddiweddaraf am arferion rheoli systemau TGCh, rheoli asedau a chynnal a chadw ar lefel y DU a’i chymhwyso i gyd-destun Cymru.
• Cwmpasu, cynllunio a rheoli prosiectau neu raglenni sydd â’r nod o leihau a rheoli risgiau yn y tymor byr, canolig a hir.
• Cynnig hyfforddiant, arweiniad a chymorth i gydweithwyr a defnyddwyr system y Cynllun Gweithredu Amgylcheddol Lleol yn ôl yr angen.
• Cyfrannu at grwpiau gorchwyl a gorffen, a gomisiynir drwy’r byrddau busnes, er mwyn paratoi cynhyrchion pendant yn ôl y gofyn.
• Cymryd cyfrifoldeb am ddatblygu datrysiad adrodd i adlewyrchu cynnydd y Portffolio Rheoli Asedau Tir.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth am y canlynol: deddfwriaeth Cymru, y DU a’r UE sy’n ymwneud â rheoli asedau; ysgogwyr polisi Llywodraeth Cymru a Llywodraeth y DU; a’r materion a’r cyfleoedd yng Nghymru.
2. Arbenigedd a phrofiad helaeth o ddatblygu, gweithredu a chynnal a chadw system technoleg gwybodaeth arbenigol gyda nifer o ddefnyddwyr, setiau data a chymwysiadau yn llwyddiannus.
3. Lefel arbenigol o lythrennedd cyfrifiadura, gan gynnwys gwybod sut i ddefnyddio pecynnau Microsoft Office, systemau rheoli dogfennau, cyfrifiadura ar y cwmwl, a system gwybodaeth ddaearyddol, ynghyd â dawn amlwg wrth ddysgu meddalwedd newydd yn gyflym. Byddai profiad o reoli asedau neu beiriannu yn fanteisiol.
4. Gradd berthnasol neu brofiad cyfatebol.
5. Profiad o reoli prosiectau/rhaglenni ac achrediad gyda chorff proffesiynol perthnasol, neu’n gweithio tuag ato.
6. Profiad o ddadansoddi technegol a dehongli amrediad o wybodaeth a data amgylcheddol neu ariannol; dadansoddi setiau data mawr.
7. Profiad o weithio gydag arbenigwyr pwnc, adrannau TGCh a datblygwyr meddalwedd i ddod o hyd i atebion a gweithredu newidiadau a datblygiadau mân i systemau. Dylunio a helpu i gaffael/rheoli datblygiadau systemau ar raddfa fwy yn ôl yr angen.
8. Gallu cyfleu gwybodaeth arbenigol a chymhleth i bobl nad ydynt yn arbenigwyr TGCh, a chydweithio ag arbenigwyr mewn amrediad o arbenigeddau rheoli tir, megis gweithrediadau coedwigaeth, peirianneg, rheoli tomenni glo, perygl llifogydd, cyllid a rheoli risg, i ddod o hyd i atebion a gwneud cynnydd realistig a chyson wrth weithredu systemau.
9. Yn gweithio tuag at aelodaeth broffesiynol o sefydliad perthnasol neu’n uchelgeisiol i fod yn aelod.
10. Gallu gwneud penderfyniadau ar faterion cymhleth a heriol, gan feddu ar sgiliau dadansoddol a datrys problemau rhagorol.
11. Gallu gweithio gan ddefnyddio eich blaengaredd a’ch profiad eich hun, a bod yn hunangymhellol i fodloni terfynau amser.
12. Bod yn gyfrifol am wneud penderfyniadau a fydd â dylanwad tymor canolig i hir, yn fewnol ac yn allanol, ar lefel genedlaethol.

Gofynion y Gymraeg

• Hanfodol:  Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.